Татарстанда Питрәч — Чыты автомобиль юлында берничә көнгә хәрәкәт ябылачак
(Казан, 4 июнь, «Татар-информ»). Татарстанда 7-20 июньдә Питрәч — Чыты — Янсуар автомобиль юлы транспорт хәрәкәте өчен ябылачак. Бу турыда Татарстан Транспорт һәм юл хуҗалыгы министрлыгы матбугат хезмәте хәбәр итә.
Хәрәкәт Питрәч районында юлның 5 — 12 км участогында вакытлыча ябылачак. «Монда юл өслеген ремонтлау планлаштырылган», — диделәр министрлыкта.
Машина йөртүчеләр М7 «Волга», М7 «Волга» — Колай, М7 «Волга» — Питрәч, М7 «Волга» — Татар Казысы — Казиле автомобиль юллары буйлап хәрәкәт итә ала. Автомобильчеләрдән үз маршрутын алдан планлаштыруны сорыйлар.