Мәскәүдә зур янгын – «Мега» сәүдә комплексы шартлый-шартлый яна
Мәскәүдә «Мега Химки» сәүдә йорты яна. Янгын «Оби» кибетендә башланган, ут башка биналарга күчкән. Анда буяулар, газ баллоннары сакланган булган.
Янгын мәйданы 17 мең квадрат метрга җиткән. Бина тулысынча янып беткән, түбәсе ишелгән. Янгын вакытында бинада шартлаулар булган. Шартлау аркасында авиация янгын сүндерү дә катнаша алмаган.
Янгын турында хәбәр 5.58 килеп ирешкән, янгын сүндерүчеләр 21 минуттан килеп җиткән (регламент - күп дигәндә 10 минут).
Һәлак булучылар турында мәгълүмат юк, дип язганнар иде. 8.40 бер кешенең - каравылчының һәлак булуы хәбәр ителде.
Янгын сәбәпләренең берсе – ут төртү дип фаразлана. Бу хакта «Интерфакс» яза.
Шартлау вакытында кешеләрнең бина яныннан йөгереп качканнары күренә.