Осмондаги ғайриоддий булут шакли муҳокамаларга сабаб бўлди
Осмонда пайдо бўлган ғайриоддий булут шакли кўпчилик эътиборини тортди ва ижтимоий тармоқларда кенг муҳокамага сабаб бўлди.
Гувоҳлар қайд этишича, булутлар аёл юзининг профилига ўхшаш шаклни ҳосил қилган ва бу манзара табиатнинг ажойиб намойиши сифатида қабул қилинган.
Ушбу ҳолатни пайқаган бир шахс видеога олиб, ноёб лаҳзани тасвирга муҳрлашга муваффақ бўлган. Кейинчалик ушбу кадрлар интернетда тез тарқалиб кетган.
Фойдаланувчилар видеони катта қизиқиш билан қабул қилиб, уни деярли ҳақиқий эмасдек ва санъат асарига ўхшашини таъкидлашмоқда.
Мутахассислар эса бундай ҳолатлар табиий жараёнлар — шамол йўналиши, ҳаводаги намлик ва ёруғлик таъсири натижасида юзага келишини изоҳлаб, бу турдаги визуал иллюзиялар баъзан таниш образларни эслатишини қайд этмоқда.