Кэррик “Лидс”га қарши ўйиндаги ҳакам қарорларини кескин танқид қилди
“Манчестер Юнайтед” бош мураббийи Майкл Кэррик “Лидс”га қарши учрашувдан сўнг ҳакамлик фаолиятига нисбатан қаттиқ танқид билдирди. АПЛнинг 32-турида манкунианликлар ўз майдонида “Лидс”га 1:2 ҳисобида мағлуб бўлишди.
Кэррикнинг фикрича, жамоа дастлабки голни қоида бузилиши билан боғлиқ вазиятдан кейин ўтказиб юборган. У ўша эпизод ўйин натижасига жиддий таъсир қилганини таъкидлади.
“Биз ўйинни яхши бошлай олмадик. Лени Ёро энсасига тирсак текканидан кейин гол ўтказдик. Ушбу вазиятда гол бекор қилинмади ва бу учрашувдаги ҳал қилувчи бурилиш нуқтаси бўлди.
Биринчи таймда ритм етишмади. Имкониятлар яратдик, лекин кўп ҳолатларда ўйиндан чиқиб қолдик”, — деди Кэррик.
Мутахассис иккинчи бўлимда Лисандро Мартинеснинг майдондан четлатилишига ҳам кескин эътироз билдирди.
“Йигитлар иккинчи бўлимда ҳам курашчан руҳни сақлаб қолишди. Бироқ Лисандронинг қизил карточка олиши биз учун шок бўлди.
Кетма-кет иккинчи ўйинда қарорлар бизга қарши чиқмоқда. Бу мен кузатган энг омадсиз ҳакамликлардан бири.
Лисандрони тортилган ҳолатда енгил қўл теккан, у мувозанатини йўқотган ва рақибнинг сочига тасодифан тегиб кетган. Бу агрессив ҳаракат ҳам, қасддан қилинган қоидабузарлик ҳам эмас. Шунга қарамасдан қизил карточка кўрсатилди.
Энг ҳайратланарлиси — ҳакамни вазиятни қайта кўриб чиқишга чақиришгани. Бу ҳақиқий шок”, — деди Кэррик.