Профессионал бокснинг биринчи ярим енгил вазн тоифасида (55,3 кг) WBA ва IBF камарлари эгаси, ўзбекистонлик Муроджон Аҳмадалиев IBF йўналишида мажбурий даъвогар филиппинлик боксчи Марлон Тапалесга қарши қачон жанг ўтказиши маълум бўлди.
Аҳмадалиев-Тапалес тўқнашуви 8 апрель куни АҚШнинг Техас штати, Сан-Антонио шаҳрида бўлиб ўтади. Келаётган ҳафтада жанг расман эълон қилиниши кутилмоқда.
Маълумот ўрнида:
-28 ёшли Муроджон Аҳмадалиев профессионал боксда умумий 10 та жанг ўтказиб, тўқнашувларнинг барчасида ғалаба қозонган.
-30 ёшли Тапалес эса профбоксда 37 марта рингга кўтарилиб, 34 та ғалаба қайд этган ва 3 та жангда мағлубият аламини татиб кўрган.