"Тезкор Студия" лойиҳасининг навбатдаги сонида "Пахтакор"нинг чемпионлиги ва қолган тур учрашувлари борасида фикрлар янграб ўтди. Унда бевосита "Пахтакор" спорт директори Жаъфар Ирисметов билан алоқага чиқилиб айрим саволларга жавоб олдик. "Жалолиддин Машариповни кўп жамоалар ўзига жалб қилишни истамоқда. Лекин Шота Арвеладзе у билан хайрлашишга тайёр эмас. Охирги икки йил ичида Машарипов ўсишга эришди. Яхши таклиф келиб тушса кўриб чиқишга тайёрмиз. Клуб томондан айтадиган бўлсам бундай футболчи бизга керак. ОЧЛда биринчи ўринни олмоқчи эканмиз, нима учун уни қўйиб юборишимиз керак. Агарда Жалолидинни трансфер қиладиган бўлсак, ундан тушган пулга бошқа савияли яъни унинг даражасидаги легионерни жалб қилишимиз қийин бўлади. Шартномани янгилаш учун музокаралар олиб бормоқдамиз", - дейди Жаъфар Ирисметов.
