Дельфинларни жалб этишнинг ғаройиб усули (видео)
Американинг Флорида штатидаги Орландо шаҳрида яшовчи қиз дельфинларни жалб қилишда оддий тароқдан фойдаланди. Daily Mail тақдим этган видео шундан далолат беради.
Қизчанинг оила аъзолари томонидан олинган видеода у тароқни резервуар шишасига яқинлаштиради ва унинг "тишлари"га тегиб ўзига хос товуш чиқаради. Бундай товушни эшитган дельфинлар кичик америкалик қизча томон ошиқишди.
Қизчанинг отаси айтишича, у аввал дельфинларни бошқа усуллар билан жалб қилишга ҳаракат қилган. "У турли ўйинчоқлар, мобил телефондан фойдаланган, шишани тақиллатган, турли хатти-ҳаракатлар қилган", - дейди у. Дельфинлар унга эътибор қаратишмаган.
Қизча ўз "муаммоси" ечимини интернетдан излаган ва тароқ билан боғлиқ трюкни топган. Океанариумга навбатдаги ташриф давомида у тавсияга амал қилиб, дельфинларни жалб қилишга муваффақ бўлган.