Ўзбекистон-Қозоғистон чегарасида янги ўтказиш пунктлари очилади
Мазкур протокол президент томонидан имзолангач¸ кучга киради.
Ҳукумат расмийларининг маҳаллий нашрларга билдиришича¸ мазкур келишувга кўра¸ Ўзбекистон-Қозоғистон чегарасидан 80 км. масофада жойлашган “Бейнеу” темир йўл ўтказиш пункти чегарадан икки километр масофада жойлашган “Оазис” станциясига кўчирилади.
Бундан ташқари ўзаро келишувда¸ икки қўшни давлат ўртасида автомобиллар ўтказиш учун “Целинный” ва “Сирдарë” пунктлари очиш¸ ҳозирда ишлаб турган “Қазиқурт”¸ “Қоплонбек” ва “Отамакон” автомобиль ўтказиш пунктлари мақомини икки томонламадан¸ кўптомонламага айлантириш ва халқаро даражага кўтариш ҳам кўзда тутилган.
Қозоғистондан транзит пунктлари орқали енгил машиналарда Россияга ўтувчи ўзбекистонликлар текширувини соддалаштириш ва чегара муҳрини улар паспорти эмас¸ миграция картасига қўйиш ҳам ўзаро келишувдан ўрин олган.
Февраль ойида икки давлат расмийларининг чегараларга оид музокараларидачегара пунктларининг ўтказиш салоҳиятини ошириш масаласи ҳам муҳокама қилинган эди.