Татарстанда шәхси ярдәмче хуҗалыклар өчен чыгымнар өлешен каплауга гаризалар кабул ителә
Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалык тотучы гражданнарның чыгымнар өлешен каплауга гаризалар кабул итү турында хәбәр итә. Гаризаларны 2026 елның 20 апреленнән 4 маена кадәр тапшырырга мөмкин. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.
Савым сыерларын асрауга: бер башка - 6300 сум, сарыклар һәм бәрәннәр, ана кәҗәләр һәм бер яшьтән зуррак булган кәҗә бәтиләрен асрауга - 1000 сум исәбеннән акча каралган. https://agro.tatarstan.ru/podderzhka-lph-na-soderzhanie-doynih-korov.htm
Өч яшьтән зуррак бияләр асрауга: бер башка - 5 мең сум исәбеннән акчалата ярдәм каралган. https://agro.tatarstan.ru/podderzhka-lph-na-soderzhanie-kobil-starshe-3-h.htm
Сөтчелек юнәлешендәге мини-фермалар төзелешенә: 8 һәм аннан күбрәк сыерлар сыйдырышлы сөтчелек фермасына – 1 млн сум, 5 һәм аннан күбрәк сыер асрала торган мини-фермаларга 500 мең сум исәбеннән ярдәм юнәлдерелә. https://agro.tatarstan.ru/podderzhka-lph-na-stroitelstvo-mini-ferm-molochnog.htm
Документлар «Минем субсидияләр» системасы аша электрон рәвештә кабул ителә.
Мәгълүматны төгәлләштерү өчен элемтә номеры: 8(843) 221-76-88 (8801).
Шәхси ярдәмче хуҗалыкларга ярдәм «Нәтиҗәле һәм конкурентлы икътисад» илкүләм проекты максатларына һәм бурычларына туры килә.