Диния нәзарәтендә «Вәгазь» телевизион ачык бәйгесендә җиңүчеләрне бүләкләделәр
Бүген Татарстан Диния нәзарәтендә «Вәгазь» телевизион ачык конкурсында җиңүчеләрне бүләкләделәр. Аларга оештыручылардан һәм иганәчеләрдән истәлекле бүләкләр һәм дипломнар тапшырылды. Татарстан мөселманнары Диния нәзарәте һәм «Татарстан» дәүләт телерадиокомпаниясе «Зәкят» хәйрия фонды теләктәшлегендә оештырган бәйгенең максаты татар телендә иң оста вәгазьчеләрне ачыклау; вәгазьләрне халыкка үтемле итеп сөйләү үрнәген булдыру; халыкта Ватанга мәхәббәт тәрбияләүгә юнәлтелгән иде. Бу хакта ТР Диния нәзарәте матбугат хезмәте хәбәр итә.
Бәйгенең бүләкләү тантанасында Татарстан мөфтиенең беренче урынбасары Илфар хәзрәт Хәсәнов катнашучыларны һәм кунакларны мөфти Камил хәзрәт Сәмигуллин исеменнән сәламләде. Ул әлеге конкурсның татар вәгазьчеләре өчен мөһимлеген һәм актуальлеген билгеләп үтте.
«Аллаһы Тәгалә Коръән-Кәримдә: «Һәм син, әй Мөхәммәд галәйһиссәлам, Раббыңның юлына хикмәт һәм яхшы Гайшә анабыз: «Пәйгамбәребез хәзрәтләренең холкы Коръән иде», – ди. Дәгъвәт кылабыз икән, сөйләгәнебезне үзебез аша үткәреп, башкаларга да җиткереп, аларның Раббыбызның хак юлына басуларына сәбәпче була алсак идвәгазьләр белән чакыр», – дип әмер итә. Чөнки сүз белән кешене терелтергә дә, юкка чыгарырга да була. Шуңа күрә безнең өстебездә – зур вазифа: кешеләрне Аллаһ Раббыбызның хак юлына сабырлык һәм күркәм сүз белән чакыру.
«Татарстан» ДТРК директоры урынбасары – Радиотапшырулар хезмәте башлыгы Тәүфыйк Сәгыйтов та сәламләде. Ул үз чыгышында конкурста катнашучыларның барысына да рәхмәт белдерде. Ел дәвамында дәүләт телерадиокомпаниясендә бәйгегә килгән вәгазьләрнең күрсәтелеп баруын, аларның тамашачылар өчен мөһимлеген ассызыклады.
Бәйге ике этапта оештырылды: беренче этабы – 2025 елның 15 февраленнән 1 октябрьгә кадәр уздырылды. Сайлап алуда катнашу өчен чыгышны видеоязма рәвешендә оештыручыларның почта тартмасына җибәрергә кирәк иде. Бәйге Бөек Ватан сугышында Җиңүгә 80 ел тулу, Россиядә һәм Татарстанда Ватанны саклаучылар елы һәм ТР мөселманнары Диния нәзарәтендә Каһарманнар елы кысаларында игълан ителү сәбәпле, вәгазьләр Ватанга мәхәббәт темасына багышланды. Бәйгенең бөек татар шагыйре Габдулла Тукайның тууына 140 елллыгы һәм «Казанның ислам дөньясының мәдәни башкаласы» статусы алуы белән туры килүе символик мәгънәгә ия булды.
Конкурска барлыгы 200 дән артык гариза килде. Шулар арасыннан 40 вәгазь финалга узды. Төрле яшь категориясендә барлыгы 26 вәгазь сөйләүче бүләкләнде. Катнашучыларның географиясе дә киң: гаризалар республикабызның Менделеевск, Тукай, Апас, Буа, Балтач, Яшел Үзән районнарыннан тыш, Мәскәү шәһәрендә, Пермь, Пенза өлкәләрендә яшәүче мөселман кардәшләребездән дә килеп иреште. Конкурста 5 яшьтән өлкәнрәк мөселманнар, шул исәптә шәкертләр һәм профессиональ имамнар катнашты. Жюри аларны берничә номинациядә билгеләп үтте: кече төркем: 9 - 12 яшь (кызлар); кече төркем: 9 -12 яшь (малайлар); урта төркем: 16 -17 яшь (шәкертләр); өлкән төркем: 18 яшь һәм өлкәнрәкләр (шәкертләр); өлкән төркем: 18 яшьтән өлкәнрәк ир-атлар (имамнар); өлкән төркем:18 яшьтән өлкәнрәк ир-атлар; өлкән төркем:18 яшьтән өлкәнрәк хатын-кызлар.
Жюри әгъзалары, вәгазьчеләрне җылы котлап, татар вәгазе бәйгесенең рухи традицияләрне саклау һәм үстерү өчен мөһимлеген аерым билгеләп үтте. «Вәгазь» телевизион ачык конкурсында катнашучыларга «Гаилә» мәчете имам-хатыйбы Рөстәм хәзрәт Хайруллин рәислегендәге жюри – Татарстан мөфтиенең мәгълүмати сәясәт буенча урынбасары, «Хозур» нәшрият йорты җитәкчесе Ришат хәзрәт Хәмидуллин, Татарстан Республикасы мөселманнарының Диния нәзарәтенең дәгъвәт бүлеге җитәкчесе, «Вәгазь I» бәйгесе җиңүчесе Ленар Хамматов, Татарстанның атказанган сәнгать эшлеклесе, Г.Камал театры музее директоры Луара Шакирҗанова, «Татарстан» дәүләт телерадиокомпаниясенең Милли тапшырулар хезмәте шеф-редакторы Мөршидә Җиһан бәя бирде.
Быел «Вәгазь» телевизион ачык конкурсында 9 яшьтән алып һәм өлкәнрәк дин кардәшләребез катнашу мөмкинлегенә ия иде.
Иң яхшы вәгазьләр «Хәерле көн, Татарстан!» һәм «Яңалыклар» телевизион тапшыруларның җомга чыгарылышларында күрсәтелеп барды.