Иртәгә, 26 ноябрьдә, 11:00 сәгатьтә, «Татар-информ» мәгълүмат агентлыгында татар әниләренең беренче форумына һәм #әниләрмарафоны проектына йомгак ясауга багышланган матбугат конференциясе була.
Чарада «Сөембикә» журналы баш мөхәррире Маликова Лариса Николай кызы, «Сөембикә» журналының җаваплы сәркатибе, «Әниләр марафоны» проекты авторы Миңнекәева Динара Равил кызы, Ф.Г. Аитова исемендәге 12 нче татар гимназиясенең тәрбия эшләре буенча директор киңәшчесе, ике бала әнисе Галимуллина Сөмбел Илһам кызы,Казанның Яңа Савин районы 143 нче мәктәбенең татар теле һәм әдәбияты укытучысы, өч бала әнисе Галимуллина Тәнзилә Шамил кызы катнаша.
«Татар-информ» сайтында матбугат конференциясенең онлайн-трансляциясе күрсәтелә.
