Татарстан Рәисе Рөстәм Миңнеханов Телеграм-каналына һәм «ВКонтакте» социаль челтәрендәге сәхифәсенә язылучыларына «Каравон» рус халык бәйрәме турында искә төшерә. Ул бүген билгеләп үтелә.
«Барыгызны да Каравон рус халык бәйрәме белән котлыйм! Бүген ул күркәм традиция буенча Лаеш районының Никольское авылында уза», - дип язган республика җитәкчесе.
«Каравон бәйрәмендә очрашуга кадәр. Киң мәйдан, дуслар!» - дип өстәгән Рөстәм Миңнеханов һәм кыска видеоролик урнаштырган, анда узган елгы бәйрәмнәрдән аерым мизгелләр җыелган.
Кичә Татарстан Рәисе республика халыкларының традицион бәйрәмнәрен иң югары дәрәҗәдә уздырырга кушты.
