Татарстан Рәисе Рөстәм Миңнеханов «Эхо веков в истории семьи — Тарихта без эзлебез» шәҗәрә фестивалендә булды. Рәис үзенең телеграм-каналында чарадан фотосурәтләр белән уртаклаша.
Миңнеханов билгеләп үткәнчә, быел фестивальдә бөтен Татарстаннан 157 гаилә катнашкан.
«Россия Президенты Владимир Путин игълан иткән Гаилә елында гаилә кыйммәтләрен үстерүгә, гаиләләребез тарихын саклауга игътибар бирү аеруча мөһим», — дип яза республика җитәкчесе үзенең постында.
«Гаилә – җәмгыятебезнең нигезе. Безнең гаиләләр ныграк булган саен, ватаныбыз да нык булачак дигән сүз», – ди ул.
