Татарстанда климат буенча җәй 26-27 майда килергә тиеш. Бу хакта Казан федераль университеты профессоры Юрий Переведенцев белдерде, дип яза «Челнинские известия».
Спикер сүзләренчә, нәкъ шушы көннәрдә республикада температура +15 градустан арта. Бу хакта күпьеллык күзәтүләр сөйли, дип ачыклык кертте профессор.
Искәртик, 21 майда Татарстанда һава температурасы +20..+25 градуска җитте (Казанда +21..+23 градус).
Алга таба, чәршәмбе көнне, 22 майда, урыны белән бераз яңгыр фаразлыйлар. Көн салкынча була. Төнлә һава температурасы +9 градустан да артмаячак, ләкин көндез һава +15 градустан +20 градуска кадәр җылыначак.
Пәнҗешәмбе көнне, 23 майда, салкынрак була. Төнлә һава температурасы 0..+5 градус, ә көндез +10 градус..+15 градус булыр дип көтелә.
Җомга көнне, 24 майда, Татарстанда салкын һава торышы саклана. Төнлә һава температурасы 0..+3 градус, көндез +13..+18 градус була.
