«Россия – Ислам дөньясы: KazanForum» халыкара икътисад форумында Татарстанның төрле районнарыннан, муниципалитетларыннан делегатлар катнашты.
«Әлеге форум республика, бөтен районнар өчен дә зур әһәмияткә ия. Форум нәтиҗәсе буларак, төрле контрактлар төзеп була. Хәзерге киеренке чорда, монда безнең бик күп дус илләр катнашуын да билгеләр идем. Алдагы көннәрдә дә конфессияара дуслык, бердәмлек булып, тату итеп яшәргә язсын», — диде Ленар Зарипов «Татар-информ» хәбәрчесенә.
Ул шулай ук форум кысаларын узган «Russia Halal Expo 2024» күргәзмәсе хакында фикерен белдерде. «Бик матур итеп, берсеннән-берсе уздырып ясалган күргәзмәләрне күрдек. Һәр катнашучы дәүләт, оешма үзенең үзенчәлеген, тарихын чагылдырып эшләгән», — дип сөйләде ул.
Ленар Зарипов әлеге чараларда Актаныш районының дин әһелләре катнашуын да әйтте.
