Бүген, 28 мартта, Татарстан Сәүдә-сәнәгать палатасы рәисе Шамил Агеев Экваториаль Гвинея, Ангола һәм Бурунди дәүләтләренең Россиядәге илчеләре белән очрашты. Дипломатлар Казанга икътисади мөнәсәбәтләрне үстерү максаты белән килгән. Бу хакта палата матбугат матбугат хезмәте хәбәр итә.
Илчеләр республика профильле министрлыклары, ведомстволары, иҗтимагый оешмалар вәкилләре һәм эшмәкәрләр белән аралашты. Кунакларны КФУның Халыкара мөнәсәбәтләр институты директорының халыкара эшчәнлек буенча урынбасары Альбина Имаметдинова һәм КФУның Халыкара мөнәсәбәтләр институтының төбәкне өйрәнү һәм цифрлы гуманитаристика кафедрасы мөдире Луиза Кәримова озата йөрде.
Дипломатларга институтта «БРИКС илләренең тикшеренүләр үзәге» эшләвен һәм КФУ ярдәмендә Казанда беренче Африка йорты ачылуын сөйләделәр.
Татарстан Сәүдә-сәнәгать палатасы рәисенең беренче урынбасары Артур Николаев, очрашуны ачып, билгеләп үткәнчә, бүген Африка бизнес вәкилләре өчен зур кызыксыну уята һәм бүгенге очрашу мөнәсәбәтләрне үстерү юлында мөһим этап булып тора.
