Санкт-Петербургта дин белгече һәм мәгърифәтче Ризаэтдин Фәхретдин мирасында тасвирланган татар милли рухында, танылган гаилә кыйммәтләренә багышланган ифтар уздырдылар. Бу хакта Бөтендөнья татар конгрессы матбугат хезмәте хәбәр итә.
Яшь татар парлары даирәсендә искиткеч кичәдә татарларның тарихы һәм гореф-гадәтләре турында лекцияләр, ярышлар булды.
«Ризаэтдин Фәхретдиннең мирасы турындагы интеллектуаль квест ярдәмендә без аның гаилә әгъзалары, гаилә һәм җәмгыять арасында гаилә иминлеге һәм рухи бердәмлек турындагы тәгълиматының көчен тойдык. Тематик ифтарның махсус кунагы, Татарстанның атказанган мәдәният хезмәткәре, Р.Төхфәтуллин исемендәге премия лауреаты Диләрә ханым Гыймрановага рәхмәт белдерәбез», диелгән хәбәрдә.
Ифтарда мавыктыргыч аукцион да үткәрелде. Кунаклар тематик мөселман продукциясен һәм эшләнмәләрен сатып алды, акча хәйрия проектына күчерелде.
