«Ак Барс» хоккейчылары Казанда Ярославль командасына җиңелде
Бүген Казанның «Ак Барс» хоккей командасы Ярославль шәһәренең «Локомотив»ын 2:4 исәбе белән оттырды. Уен Казанда «Спорт сарае»нда узды.
Беренче периодның беренче минутында ук «Локомотив» уенчысы Егор Аверин исәпне ачты (0:1). Дүртенче минутта «Локомотив» капитаны Сергей Андронов «Ак Барс» капкасына икенче алканы кертте (0:2). Уналтынчы минутта «Ак Барс» калышуын киметә алды, голны Семён Кошелев кертте (1:2). Периодның соңгы секундларында, «Локомотив» күпчелектә уйнаганда, Казан командасы капкасына өченче алка керде, гол авторы – Максим Берёзкин (1:3).
Икенче период. Өченче минутта, «Ак Барс» күпчелеге вакытында, команда һөҗүмчесе Кирилл Семёнов гол кертте (2:3).
Өченче периодның алтынчы минутында «Локомотив» уенчысы Павел Красковский командасын тагын бер алкага алга чыгарды (2:4).
Командалар составы:
«Ак Барс»
- Мифтахов (Блашков);
- Лукоянов – Кателевский – Дыняк, Юдин – Миллер;
- Галиев – Семёнов – Кошелев, Журавлёв – Войнов;
- Барбер – Шипачёв – Петров, Адамчук – Лямкин;
- Галимов – Сафонов – Терехов, Быков.
«Локомотив»
- Исаев (Мельничук);
- Каюмов – Шалунов – Берёзкин, Рәфиков – Сергеев;
- Бут – Андронов – Аверин, Гернат – Елесин;
- Никулин – Иванов – Алексеев, Симашев – Береглазов;
- Тесанов – Красковский – Полунин (Кирьянов), Черепанов.
«Ак Барс»ның киләсе уены да Казанда «Спорт сарае»нда узачак. «Амур» командасына каршы матч 24 февральдә 17:00 сәгатьтә башлана.