Быел татар теленең электрон сүзлекләрен караучылар саны арткан
Галимҗан Ибраһимов исемендәге Тел, әдәбият һәм сәнгать институтының лексикография бүлеге мөдире Ринат Сәфәров быел татар теленең электрон сүзлекләрен караучылар саны артканын белдерде.
Ринат Сәфәров
Фото: © «Татар-информ», Солтан Исхаков
«2014 елдан бирле татар теленең электрон сүзлекләре фонды эшләп килә. Ел саен анда 4әр сүзлек өстәлә бара. Фондта барлыгы 53 сүзлек урнаштырылган. Бу чыганак кулланучылар арасында киңрәк таныла башлады. Бүген тәүлегенә 900 кеше кереп карый. Былтыр керүчеләр саны күпкә азрак иде», – диде Ринат Сәфәров «Татар-информ» агентлыгында узган матбугат конференциясендә.