Чаллыда төзелештә 25 яшьлек эшче үлгән, тикшерү оештырылган. Бу хакта «Татар-информ»га Татарстан прокурорының өлкән ярдәмчесе Руслан Галиев хәбәр итә.
Фаҗига кичә төшке аш вакыты тирәсендә 2нче Береговая урамында төзелә торган йорт территориясендә булган. Биеклектән егылу нәтиҗәсендә ир-ат үлгән. Урынга Чаллы прокуроры ярдәмчесе Булат Җәләлиев килгән.
«Прокуратура хезмәтне саклау турындагы закон таләпләре үтәлүне тикшерүне оештырды», диделәр ведомствода.