Яңа ел каникулларында Казан белән Сыктывкар арасында туры авиарейслар эшли башлаячак, алар шушы чорда гына гамәлдә була. Очышлар 50 пассажирга кадәр сыйдырышлы Bombardier CRJ 100/200 Канада самолетларында башкарылачак, дип хәбәр итә Казан мэриясенең матбугат хезмәте.
Ике якка да очышлар 4нче, 8нче һәм 11нче гыйнварга планлаштырылган. Юл вакыты 1 сәгать 35 минут тәшкил итәчәк, диелгән хәбәрдә.