14-17 декабрьдә Казан шәһәренең «Ак Барс» көрәш сараенда, көрәш буенча «Автодор» ГК призына Россия кубогы һәм «Автодор» ГК призына грек-рим көрәше буенча бөтенроссия ярышлары узачак. Бу хакта оештыручылар хәбәр итә.
Ярышларда Россиянең 35 регионынан 350 спортсмен катнашачак.
«Автодор кубогы» тантаналы чарасы һәм финалы 16 декабрьдә 18:00 сәгатьтә узачак. Ике иң көчле җыелма һәр көрәш төрендә 10 үлчәү категориясендә «диварга дивар» форматында очрашачак. Ике иң көчле җыелма команда һәр көрәш төрендә 10 үлчәү категориясендә «стенага стена» ( диварга дивар) форматында очрашачак.
«Автодор кубогы» тантаналы чараларында Россия Хөкүмәте рәисе урынбасары Марат Хөснуллин, Татарстан Республикасы рәисе Рөстәм Миңнеханов, Башкортостан Республикасы башлыгы Радий Хәбиров, «Автодор» ГК идарәсе рәисе Вячеслав Петушенко катнаша.
Шулай ук Россия көрәше легендалары – өч тапкыр Олимпия чемпионы Александр Карелин, өч тапкыр Олимпия чемпионы Бувайсар Сайтиев, Россия спорт көрәше федерациясе президенты, Олимпия чемпионы Михаил Мамиашвили, Олимпия чемпионы Мурат Карданов та чакырулы.
«Автодор кубогы» баш судьясы – «Спартак» физкультура-спорт җәмгыяте рәисе Андрей Слушаев.
Көрәшчеләр бәйгесе ахырында, 16 декабрьдә, авыр үлчәү категорияләрендәге иң көчле спортчылар – «Автодор» дәүләт компаниясеннән абсолют категориядә төп призны уйнатачак.
Казандагы «Автодор 2023 кубогы» М12 «Восток» Мәскәү-Казан автомобиль юлын төзүне тәмамлауга багышланган.
«Автодор кубогы» ярышлары сериясе М12 «Восток» автомобиль юлы буенча барлык турнирларны үз эченә ала. Беренче тапкыр ярышлар 2021 елда Казанда, аннары 2022-2023 елда Мәскәү, Владимир һәм Түбән Новгород өлкәләрендә узды, алга таба (киләчәктә) Башкортостан Республикасында, Свердловск һәм Төмән өлкәләрендә узачак.
Реклама. РОО «Федерация корэш города Москвы» erid: 2VtzqvtyM4F