Лениногорск Мәгариф идарәсе бинасында Бөтенроссия балаларга хокукый ярдәм көненә багышланган чара планлаштырылган. Ул 20 ноябрьдә сәгать 10.00да булачак. Бу хакта «Заман сулышы» хәбәр итә.
Чара кысаларында төрле структура оешма вәкилләре - социаль мәсьәләләр буенча җитәкче урынбасары, мәгариф идарәсе башлыгы, опека һәм попечительлек секторы мөдире, нотариус, «Исток-Башлангыч» үзәге белгече, торак бүлеге мөдире, суд приставлары хезмәте идарәсе тикшерүчесе, адвокатлар коллегиясе вәкиле һәм башкалар җәлеп ителәчәк.
Сораулары булган кешеләр 5-04-13 телефон номеры буенча языла ала.
