Чаллыга Татарстанның бала хокукларын яклау буенча вәкаләтле вәкиле Гүзәл Удачина килде. Ул «Ватанны саклаучылар» дәүләт фондының Чаллыдагы филиалын җитәкли. Иң беренче ул Комсомол районында фонд эше белән танышты. Бу хакта «Шәһри Чаллы» хәбәр итә.
Район башлыгы Ленар Әхмәтҗанов өлешчә мобилизациягә эләккән хәрбиләрнең гаиләләренә нинди ярдәм күрсәтелүе турында сөйләде.
«Навигатор успеха» социаль үзәге җитәкчесе Ольга Айдимирова махсус хәрби операциядәге ир-егетләргә җитештерелә торган продукция белән таныштырды.
– Үзәктә башкарылган эш турында сөйләдек. Моннан тыш, махсус хәрби операциядәгеләр өчен җитештерелә торган продукцияләрне күрсәттек. Ул аеруча маскировка костюмнары, челтәрләр, хәрбиләргә тегелгән эчке күлмәкләр, сөлгеләр, җылы өс киемнәре, оекбашларны кызыксынып карады. Аңа тиз пешә торган ашларны, компот өчен кулланылучы кипкән җимешләрне, җыеп ясалган дару үләннәрен күрсәттек. Окоп шәмнәре, озак яна торган шырпылар ясавыбыз белән дә таныштырдык, – дип сөйләде ул
