Балалар шагыйрәсе, «Шәһри Казан» газетасы журналисты Йолдыз Шәрапова Удмуртиядә кунакта булган. Бу турыда Удмуртиянең «Яңарыш» газетасы «ВКонтакте» челтәрендәге сәхифәсендә хәбәр итте.
«Яңарыш» газетасында, Балезино районы Кистем урта мәктәбендә шагыйрә белән җылы очрашулар узды. Ул 1 ноябрьдә Кистем мәктәбендә үткән XIX «Илһам» районара укучылар бәйгесендә жюри әгъзасы буларак катнашты. Укучылар белән әңгәмә корды, шигырьләрен укыды, китапларын бүләк итте, диелә хәбәрдә.