«Нәселем шәҗәрәсе – Апас районы тарихында» бәйгесе җиңүчеләре билгеле

Казан шәһәренең «Апас» якташлык җәмгыяте, оешманың 30 еллык юбилее уңаеннан, «Нәселем шәҗәрәсе – Апас районы тарихында» исемле бәйге игълан итте. Бу хакта «Апас-информ» яза.

Бәйгенең максаты – нәсел-нәсәпне белү һәм өйрәнү традицияләрен саклап калуга һәм үстерүгә ярдәм итү, буыннар дәвамлылыгын ныгыту, яшьләрдә туган Апас төбәге тарихы белән кызыксынуны үстерү иде.

Бәйгедә Апас районы җирлегендә яшәүче, әти-әниләре яки әби-бабайлары Апас районыннан чыккан затлар катнаша алды һәм бу көннәрдә бик күпләр әлеге эш белән мәшгуль булды.

Нәтиҗәләр түбәндәгечә:

• 1 урында - Фәнзия Хәлиуллина. (шәҗәрәсе - Әлмәндәр авылы).
• 2 урында - Ралинә Гафарова. Каратун поселогы (шәҗәрәсе - Кызылтау авылы).
• 2 урында - Гадел Гатауллин. Апас шәһәр тибындагы поселогы (шәҗәрәсе - Түбән Балтай авылы).
• 3 урында - Мансур Садыйков. Болын-Балыкчы авылы.
• 3 урында - Рания Гатауллина. Борнаш мәктәбе.

Лауреатлар:

• Гибадуллин Разил. (шәҗәрәсе - Коштавылы авылы).
• Гаптелганиев Рафис. Казан шәһәре. (шәҗәрәсе - Олы Болгаер авылы).
• Хасәнов Солтан, Рамзан. Апас мәктәбе. (шәҗәрәсе - Дәвеш авылы).