Төнлә Патрис Лумумба – Николай Ершов урамнары чатында контакт челтәрендә кыска ялганыш барлыкка килү аркасында көчле яктылык күргәннәр. Казанлылар бу күренешкә «Әбҗәлилов» тукталышы тирәсендә игътибар иткән.
«Татар-информ» агентлыгына «Метроэлектротранс» муниципаль унитар предприятиесендә хәбәр итүләренчә, трамвай – троллейбус челтәре киселешендә изоляциягә зыян килү сәбәпле шундый хәл килеп чыккан.
«Аның дымлануы аркасында кыска ялганыш хасил булган. Хәзерге вакытта җитешсезлекне бетергәннәр», - дип искәрттеләр ведомствода.
