Депутат тәмәке тартмаучылар өчен өстәмә ял кертергә тәкъдим итте
Дәүләт Думасы депутаты Солтан Хәмзәев тәмәке тартмаучы хезмәткәрләргә өстәмә ял көне бирергә, шулай ук компаниягә спорт чыгымнарын компенсацияләргә тәкъдим итте. Бу хакта РИА Новости хәбәр итә.
«Хезмәт кодексында тәмәке тартмаучы хезмәткәрләргә айга өстәмә ял көнен билгеләргә. Бу кешеләрне шулай ук симерүгә сәбәп булган бу зарарлы гадәтне ташларга мотивацияләү өчен кирәк», диелә Хәмзәевнең сәламәтлек саклау министры Михаил Мурашко исеменә мөрәҗәгатендә.
Шулай ук, депутат фикеренчә, компаниягә хезмәткәрләрнең фитнеска чыгымнарын компенсацияләргә кирәк.
«Хезмәткәрләргә спорт белән шөгыльләнү өчен минималь компенсация күләмен булса да билгеләргә. Бу дөрес һәм үз вакытында кабул ителгән чара», - дип өстәде парламентарий.
Хәмзәев тәмәке тартмаучылар өчен өстәмә ял турындагы идея белән чыгыш ясаган инде. 2021 елның июлендә, Россия Иҗтимагый палатасы әгъзасы булганда, премьер Михаил Мишустинга хатта ул Хезмәт кодексына тәмәке тартмаучы хезмәткәрләр өчен елына өстәмә ун көнгә ялга кертергә тәкъдим итте. Бу инициатива игътибарны җәлеп итте, әмма закон чыгару дәрәҗәсендә фикер алышуга кадәр барып җитмәде.