РФ Дәүләт Думасының барлык депутатлары да атом-төш сынауларын тыюны гамәлдән чыгару турындагы закон проектын бертавыштан хуплады. Ул икенче һәм өченче укылышларда шунда ук кабул ителде. Шул хактагы документ парламентның түбән палатасы электрон базасында урнаштырылган.
Тиешле үзгәрешләр «Атом-төш сынауларын тыю турында Килешүне ратификацияләү хакында»гы Федераль законга кертелгән.
Россия 1996 елның 24 сентябрендә Нью-Йоркта атом-төш сынауларын тыю турындагы килешүне имзалады. Документка Кушма Штатлар да кул куйды, әмма ратификацияләмәде. Кытай, Мисыр, Израиль һәм Иран да шулай ук эш итте. Ә Һиндстан, Корея Халык Демократик Республикасы һәм Пакистан килешүне имзаламады.
Элегрәк РФ Президенты Владимир Путин вакыйгаларның шушы юнәлештә үсеш алу ихтималы хакында белдергән иде.
