Бүген Республика яшүсмерләр китапханәсендә «Библиофест: Яшьләр өчен китапханәдә уку фестивале» ачылды.
«Программада: күңелле дәресләр, лекцияләр, танылган язучылар белән әдәби очрашулар, мавыктыргыч квестлар һәм башка кызыклы чаралар уза», – дип хәбәр итә китапханә җитәкчелеге.
Фестиваль 23 октябрьдә «Полимер» мәдәният йортында ике әдәби персонаж – Гарри Поттер белән Нәни Принцны берләштергән «Гарри Поттер: Нәни Принц эзләре буйлап» дип аталган бәйрәм белән төгәлләнәчәк.
Фестиваль чаралары Галимҗан Ибраһимов урамы, 53Б адресы белән урнашкан Республика яшүсмерләр китаханәсендә үтә.
