Россия Кораллы көчләре белән 300 мең кеше контракт төзегән. Бу хакта Россия Президенты Владимир Путин Беларусь лидеры Александр Лукашенко белән сөйләшүләр нәтиҗәләре буенча матбугат конференциясендә белдерде. РИА Новости шул хакта хәбәр итә
«Мин берничә көн элек 270 мең ир-ат Россия Кораллы көчләре белән контракт төзегәнен әйткән идем, ләкин бу искергән мәгълүмат. Менә бүген иртән 300 мең кеше контракт имзаланган булуы турында хәбәр иттеләр. Алар Россия мәнфәгатьләрен яклап, тормышларын үз ватаннары мәнфәгатьләрендә корбан итәргә әзер», - диде Россия дәүләте башлыгы.
Ул шулай ук көнбатыш массакүләм мәгълүмат чараларының, янәсе Россия Корея Халык Демократик Республикасыннан теләк белдерүчеләрне махсус операциядә катнашырга үгетли дигән имеш-мимешләрне кире какты. Россия лидеры сүзләренчә, илнең читтән кешеләрне чакыру ихтыяҗы юк.
«Мин моны тулы сафсата дип әйтергә телим», - диде Путин.
