Альберт Вәлиев кабат Татарстан Хисап палатасы рәисе урынбасары итеп билгеләнде. Әлеге карар VI чакырылыш Татарстан Дәүләт Советының 47 нче утырышында кабул ителде. Бу вазифаны ул 2006 елның октябреннән башкара, ә 2017 елда яңа алты еллык срокка кабат сайланган иде.
«Дәүләт Советына Хисап палатасы рәисе Алексей Демидов тарафыннан рәис урынбасары вазифасына Альберт Вәлиев кандидатурасын кертелде», — дип сөйләде парламентның Бюджет, салымнар һәм финанслар комитеты җитәкчесе Леонид Якунин.
Ул ассызыклаганча, Вәлиев кандидатурасы барлык квалификация таләпләренә туры килә.
