Россия Федерациясенең Цифрлы үсеш, элемтә һәм массакүләм коммуникацияләр министрлыгы, IT-өлкәдә эшләүчеләрне армиягә чакыруны кичектерү яшен 30 яшькә кадәр арттыру өчен, законнарга төзәтмәләр әзерли. Сүз аккредитацияләнгән IT-компания хезмәткәрләре турында бара, дип хәбәр итә ведомство башлыгы Максут Шадаевка сылтама белән «Интерфакс».
Министр аңлатканча, әзерләнә торган үзгәрешләр хәрби хезмәткә чакыру яшен арттыру белән бәйле. Хәзер дәүләт башлыгы указында 18 яшьтән 27 яшькә кадәрге IT-хезмәткәрләрне армиягә чакырудан азат итә торган пункт бар.
Яңа елдан хәрби хезмәткә чакыру яшен арттыру турында төзәтмәләр гамәлгә керәчәк, шуңа күрә IT-компанияләр хезмәткәрләре турында язгы чакырылыш башланганчы үзгәрешләр кертү планлаштырыла, дип билгеләп үтте Цифрлы министрлык башлыгы.
Исегезгә төшерәбез, 4 августта Президент Владимир Путин армия хезмәтенә чакыруның югары чиген 30 яшькә кадәр арттыру турындагы указны имзалады. Шулай итеп, 2024 елның гыйнварыннан хәрби хезмәткә чакыру яше 18 яшьтән 30 яшькә кадәр булачак.
