Уссурийскида су басуны туктату өчен төзелгән дамба җимерелгән, дип хәбәр итә РИА Новости.
Агентлык мәгълүматлары буенча, узган төндә су дамба өстеннән аккан һәм ул җимерелә башлаган.
Кичә Уссурийск шәһәр округында көн дәвамында 117 мм яңгыр яуган. Төбәк өчен айлык явым-төшем нормасы 120 - 130 мм тәшкил итә.
Агентлык бүген иртән Уссурийск янындагы Богатырка һәм Монакино авылларына үтеп булмаганлыгын хәбәр итә. Округта 27 шәхси йорт һәм 111 йорт яны территориясе су басу зонасында калган.
Су баскан зонадан 200ләп кешене эвакуацияләгәннәр. Плотина җимерелү аркасында су шәһәргә үтеп керә башлаган.