Аксубай районының Иске Мокшино мәктәбенең беренче сыйныф укучылары өчен крестьян-фермерлык хуҗалыгы җитәкчесе Анатолий Самаренкиннан мәктәп букчасы тапшыру тантанасы булды. Бу хакта «Авыл таңнары» сайтында хәбәр ителә.
Быел беренче сыйныфка дүрт бала барачак. Алар мәктәпкә матур киенеп, әниләре һәм әбиләре озатуында килде, үзләре укыячак сыйныфта парта артында утырып карады, булачак укытучылары Резидә Хамәдрәхимова, районнан килгән кунаклар һәм хәйриячеләр белән аралаштылар.
– Иске Мокшино мәктәбе һәрвакыт көчле, белемле укучылары белән дан тотты, – диде район башлыгы Камил Гилманов. – Иманым камил, еллар узгач сезнең турыда да, укуда да, спортта да, иҗатта да уңышлы укучылар буларак сөйләрләр.
Анатолий Самаренкин булачак беренче сыйныф укучылары белән балачак истәлекләре белән уртаклашты. Ул мәктәптә укыган вакытларда балалар китап укырга яратканнар һәм бу укуда бик ярдәм иткән. Китаплар белән дуслык белем дәрәҗәсен киңәйтә һәм тормышны кызыклырак итә.
Катнашучыларның көчле алкышлары астында Камил Гыльманов һәм Анатолий Самаренкин булачак беренче сыйныф укучыларына мәктәп букчалары тапшырдылар.
Рюкзаклар җиңел, уңайлы, аларга мәктәп-кирәк яраклары салынган. Балалар бик шатланды. Балаларының күтәренке кәефләрен күреп, ата-аналар да шатланды. Мәктәп сумкалары, кече ватанында, анда яшәүчеләр өчен булдырган барлык объектлар өчен Анатолий Самаренкинга рәхмәт сүзләре яңгырады.
