Көзен Дәүләт Думасында Идел елгасының экологиясенә багышланган зур парламент тыңлаулары башлана. Парламентның түбән палатасы Рәисе Вячеслав Володин үзенең телеграм-каналында шулай дип белдерде.
Ул билгеләп үткәнчә, Идел бассейны составына Россиянең 70 миллион кеше яши торган 38 төбәге керә. Шуңа күрә елганың пычрануына бәйле барлык хәлләргә хакимият аерым игътибар бирә.
«Волгоградта Идел-Дон каналы акваториясендә суның пычрануы мәсьәләсе буенча күп мөрәҗәгатьләр килә. Сәбәпләр ачыклана, әмма экологиягә зыян килгәнлеге көн кебек ачык», - дип белдерде Володин.
Ул билгеләп үткәнчә, елганы күбесенчә (85 процент очракта) торак-көнкүреш хуҗалыгының агынты сулары пычрата. Шунлыктан Думадагы фикер алышулар алдыннан Идел буенда урнашкан төбәк халкының фикерен тыңларга теләр идем, диде Володин.
«Үзегезнең төбәкләрдә Идел елгасының экологик хәле буенча комментарийлар калдырыгыз, аларны һичшиксез исәпкә алачакбыз», - дип язган Дәүләт Думасы Рәисе.
