Түбән Камада, шәһәрнең генераль планы нигезендә, 15нче микрорайонда бассейн төзергә планлаштыралар. Бу хакта НТР 24 телеканалына Түбән Кама муниципаль районы башкарма комитетының шәһәр төзелеше сәясәте идарәсе җитәкчесе Алсу Әхмәдиева хәбәр итте. Бу хакта «Туган як» сайтында хәбәр ителә.
Ул бассейн төзелеше вакыты, подрядчы оешма һәм архитектура карарлары, финанслау чыганагы ачыкланганнан соң билгеләнәчәк, бүгенге көндә финанслау юк, дип ачыклык кертте.
«Бинаның кайда урнашачагы проектлау һәм җирлеккә бәйләү вакытында билгеләнәчәк», — дип аңлатты Алсу Әхмәдиева.