Россия кешеләре үз-үзләренә аена 30 млн сумга кадәр акчаны комиссиясез күчерә алачак. Ил хакимияте лимитны күтәрү ниятен гражданнарны башка кредит оешмаларында булган үз хисапларына акча күчергәндә өстәмә комиссия түләүдән азат итү белән аңлата. Бу хакта «Известия» закон проектының яңа редакциясе текстына сылтама белән хәбәр итә.
Үзгәрешләрне банклар һәм банк эшчәнлеге турындагы законга кертү планлаштырыла. Төзәтмәләр ярдәмендә финанс оешмалары бер хисаптан икенчесенә 30 млн сум күләмендә акча күчерү буенча операцияләрнең күләмен яки санын бүтән чикли алмаячак.
Шул ук вакытта искәрмә ясау да планлаштырыла. Ул Россия кешесенең банк бүлегенә килеп яки картадан картага акча күчерүенә кагыла.
Хәзер клиентлар комиссияләрсез тиз түләүләр системасы (СБП) аша аена 100 мең сумга кадәр акча күчерә ала, ә бу суммадан күбрәк акча күчерү операцияләре вакытында барлык сумманың 0,5 процент чамасын түләргә туры килә (иң күбе 1,5 мең сум).
Дәүләт Думасының профильле комитетында бу закон проектын 17 июльдә карарга ниятлиләр.
