Татарстан Рәисе Рөстәм Миңнеханов үзенең телеграм-каналында чувашларның Уяв милли бәйрәменнән фотолар күрсәтте. Уяв – кыр эшләре төгәлләнгәч уздырыла торган бәйрәм.
«Безнең үзенчәлекле бәйрәмнәребез дәвам итә! Бүген Татарстанның Әлки районындагы Сихтермә авылында «Уяв» чуваш мәдәнияте бәйрәме уза. Уяв ячепе, юлдашсем! (Бәйрәм белән, дуслар! – чуваш теленнән тәрҗемә)», – дип язган республика җитәкчесе.
Сүз уңаеннан, кичә Рөстәм Миңнеханов көнчыгыш славяннарының Яшел Үзәндә узган «Иван купала» халык бәйрәменнән фотолар күрсәтте һәм безнең республика монда яшәгән халыкларның күпкырлы мәдәнияте белән дан тота, дип әйтте.
