Бүген иртән Азнакай районы Буралы авылы янында шул ук атамадагы елгада ир кеше мәете табылган. Бу хакта «Татар-информ» мәгълүмат агентлыгына Россия гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Фото: © Россия гадәттән тыш хәлләр министрлыгының Татарстан буенча Баш идарәсе матбугат хезмәте
Фаҗига урынына килгән Азнакай гарнизоны төркеме судан 69 яшьлек ир-атның гәүдәсен чыгара. Ул ярдан дүрт метр ераклыкта табыла.
Фото: © Россия гадәттән тыш хәлләр министрлыгының Татарстан буенча Баш идарәсе матбугат хезмәте
Ир кеше гәүдәсе табылган җирдә коену тыелган. Бу хакта язып та куелган. Фаҗиганең беренчел сәбәбе – су объектларында куркынычсызлык кагыйдәләрен үтәмәү.