1 июльдә Пермь краеның Октябрьский (Чад) бистәсендә өлкә Сабан туе узды. Бәйрәмдә 10 мең чамасы кеше катнашты. Бу хакта Татарстан Республикасының Свердловск өлкәсендәге даими вәкиллеге хәбәр итә.
Пермь крае яшәүчеләрне берләштерә торган традицион бәйрәм ел саен җәен уздырыла. Бәйрәмдә Пермь краеннан делегация һәм башка төбәкләрдән килгән кунаклар катнашты.
Рәсми ачылыштан соң һәм катнашучылар парадыннан соң, кунаклар өчен тематик зоналар, кул эшләре һәм авыл хуҗалыгы продукциясе ярминкәләре, күңел ачу мәйданчыклары ачылды.
Бәйрәмдә ат чабышы, милли көрәш, армрестлинг ярышы, гер күтәрү, авыш баганага менә булды.
Төп сәхнәдә Татарстаннан килгән җырчылар: Гөлсирин Абдуллина, Азат Абитов һәм «Болгар кызлары» триосы чыгыш ясады, диелә хәбәрдә.
