Россия Язы хәрби корреспондентлары браконьерлардан конфискацияләнгән көймәләрне армиягә тапшыруны үтенеп төбәк башлыкларына мөрәҗәгать итте. Әлеге мөрәҗәгать Россия Язы хәрби корреспондентларының, волонтерларның Телеграм-каналында чыкты.
Алар Рөстәм Миңнехановтан, шулай ук Дагыстан, Әстерхан өлкәсе, Краснодар һәм Приморье крае җитәкчеләреннән браконьерлардан конфискацияләнгән көймәләрне армиягә тапшыру механизмын уйлауны сорый.
«Безнең укучылар Дагыстанда, Әстерхан өлкәсендә, Татарстанда, Краснодар һәм Приморье крайларында браконьерлардан конфискацияләнгән көймәләрнең күп булуын яза. Браконьерларның «байдалары» һәм көймәләре штрафстоянкаларда череп ята. Конфискатларны фронт ихтыяҗлары өчен тапшырырга өстән сәяси ирек таләп ителә», – диелгән хәбәрдә.
Россия Язы хәрби корреспондентлары әлеге мәсьәләгә игътибар итүне сорый. Баштарак, Приморье краенда браконьерлардан алынган транспортны җибәрү механизмы булдырылганы да хәбәр ителә. Язма авторлары фикеренчә, аны Россиянең башка төбәкләрендә дә кулланырга мөмкин булыр иде.