19 июньнән 26 июньгә кадәр Татарстанда бәрәңге бәясе 12,74 процентка кыйммәтләнгән — аның килограммы 38,55 сумга җиткән. Бу хакта Татарстанстат хәбәр итә.
Яшелчәләрдән шулай ук кишер (6,9 процент) һәм кыяр (1,85 процент) бәяләре арткан. Шул ук вакытта, помидорның бәясе 3,33 процентка кимеп, килограммы 107,01 сум тәшкил иткән; башлы суган һәм кәбестә 61,44 һәм 52,72 сумга кадәр арзанайган (3,14 процент һәм 2,84 процент).
Бүтән төр азык-төлеккә килгәндә, тавык 179,5 сумнан 184,48 сумга кадәр (2,97 процент) кыйбатланган. Балалар җиләк-җимеш консервалары, сосиска һәм сарделька, коры сөт катнашмасы һәм шикәр комы бәясе 1 проценттан күбрәк арткан.
Сыр, икмәк һәм башка продуктларның бәясе 1 проценттан кимрәк кыйбатланган.
