Иминлек советы рәисе урынбасары Дмитрий Медведев белдергәнчә, Россиянең тышкы һәм эчке дошманнарын җиңү өчен иң мөһиме – ил Президенты Владимир Путин тирәсендә берләшү.
«Безнең Ватаныбызны җимерергә теләүче тышкы һәм эчке дошманны җиңү, дәүләтебезне коткару өчен иң мөһиме – Президент, илнең Кораллы көчләре белән идарә итүче Югары Главнокомандующий тирәли берләшү. Таркалу һәм хыянәт – зур фаҗигагә, галәм катастрофасына китерә», – дип язган Иминлек советы рәисе урынбасары телеграм-каналында.
Ул Россиянең мондый һәлакәткә юл куймаячагына ышануын белдерде.
Бүген иртән Владимир Путин мөрәҗәгать белән чыгыш ясады, анда Россия җәмгыятен тарката торган гамәлләрне аркага пычак кадау дип атады.
