Табиб-сомнолог Роман Бузунов йокы туймауның нинди нәтиҗәләргә китерүе турында сөйләде. Бу хакта РИА Новости агентлыгы хәбәр итә.
Белгеч сүзләренчә, йокы туймау беренче көннән үк йогынты ясый. Кешенең кәефе начарая, башы авыртырга һәм хәлсезлек күзәтелергә мөмкин.
«Озакка сузылган йокы туймау иммунитетны начарайта, бу исә йогышлы авыруларның ешлыгы артуга китерә, хәтта онкологик патология куркынычын арттыра. Кешедә матдәләр алмашу процессы бозыла. Бу симерүгә һәм шикәр чиренә китерә», - дип белдерде Бузунов Lenta.Ru порталына.
Табиб шулай ук йокы туймауның еш кына юл-транспорт һәлакәтләренә сәбәпче булуын искәртте. Кайбер кешеләр рульдә йоклап китә.
«Эксперт бәяләүләре буенча, Россиядә елына 5 меңгә якын кешенең рульдә йоклап китү сәбәпле юл һәлакәтләрендә гомере өзелә», - дип билгеләп үтте Бузунов.
