Кичә Казанда җәяүле катнашында кеше үлеменә китергән юл-транспорт һәлакәте булган. Бу хакта «Татар-информ» агентлыгына Казан шәһәре Дәүләт автоинспекциясеннән хәбәр иттеләр.
Ачыкланганча, Mercedes автомобиленең 18 яшьлек йөртүчесе кичке унда Мартын Межлаук урамындагы 1нче йорт каршында 35 яшьлек җәяүлене таптаткан. Искәртеп узабыз, ир-атның светофорның кызыл утына җәяүлеләр кичүе буйлап юл аша чыгып барышы булган.
«Җәяүле алган җәрәхәтләрдән шунда ук һәлак булган», – дип белдерделәр Казан шәһәре Дәүләт автоинспекциясенең пропаганда бүлегендә.
