Иркутск мөселманнары шәһәрнең иске татар зиратында өмә уздырды. Бу хакта Россия мөселманнары Дини җыены сайтында хәбәр ителә.
Өмәне «Байкал мөфтияте» мөселман оешмасы һәм мигрантларның хокукый яклау һәм социаль-мәдәни адаптациясе үзәге оештырган. Өмәдә Иркутск Җәмигъ мәчетенә йөрүчеләр, мигрантлар, Иркутск мәчете каршында Ислам нигезләре буенча якшәмбе курсларына йөрүчеләр катнашкан. Ахырда Иркутск өлкәсе мөфтие Фәрит хәзрәт Мингалиев килгән һәр кешегә рәхмәт әйтеп, әрвахлар рухына дога кылган.