Бүгенге көндә Чаллыда яшәүче иң яшь ветераннарга 96 яшь, ә иң өлкәне Иван Канидиевка – 102 яшь. 9 майга әзерлек турында аппарат киңәшмәсендә башкарма комитет җитәкчесе урынбасары Рамил Хәлимов сөйләде.
25 апрельгә булган мәгълүматлар буенча, Чаллыда 750 Бөек Ватан сугышы ветераны яши. Алар - 20 инвалид, 21 концлагерь тоткыны, Ленинград блокадасында яшәгән 8 кеше, ветераннарның тол калган хатыннары (221 кеше), 480 тыл хезмәтчәне.
Хәлимов сүзләренчә, 18 апрельдә Чаллыга 766 азык-төлек җыелмасы килгән.
«Бөек Ватан сугышында Җиңүнең 78 еллыгы кысаларында Татарстан Рәисе Рөстәм Миңнеханов һәм шәһәр мэры Наил Мәһдиев исеменнән Бөек Ватан сугышында катнашучыларга һәм инвалидларга, Ленинград блокадасында яшәүчеләргә, концлагерьларның балигъ булмаган элеккеге тоткыннарына, үлгән (һәлак булган) катнашучыларның тол хатыннарына бүләк азык-төлек җыелмалары тапшырыла. 28 апрельгә 652 азык-төлек җыелмасы һәм открытка тапшырылды», - диде ул.
Шулай ук киңәшмәдә катнашучылар һәлак булган сугышчыларны бер минутлык тынлык белән искә алды.
«Мәңгелек хәтер һәм геройларга дан! Бер минут тынлык игълан итәргә рөхсәт итегез», - диде докладчы.
