1 майда Татарстан башкаласында 103 ел элек булган температура рекорды җимерелгән. Бу хакта ТР Гидрометүзәге хәбәр итә.
Шәһәрнең Идел буе районында урнашкан Казан метеостанциясендә термометр баганалары +30,1 градуска кадәр, ә Казан-Аэропорт метеостанциясендә +30,8 градуска кадәр күтәрелгән.
1 май өчен алдагы абсолют максимум 1920 елда билгеләнгән булган. Ул вакытта Казанда һава температурасы 26,7 градуска җиткән.