«Мелодия» фирмасы Россиянең атказанган, Татарстанның халык артисты Әлфия Авзалованың 1973 һәм 1981 елда яздырылган язмаларын берләштереп, пластинка чыгарган.
Пластинка 14 җырдан тора. Алар арасында җырчының сирәк ишетелгән язмалары да бар – «Туган авылым Сакмар буйларында», «Хәтфә», «Серләремне сиздермим», «Галия», «Сагындым, авылым, сине», «Илдарым», «Минзәлә», «Төнбоек», «Җидегән», «Туй күлмәге», «Яшьлегем тугае», «Күбәләгем» кебек җырлар. Башкаручылар – Әлфия Авзалова, Фәнис Гыйльметдинов, Ренат Сибгатуллин.
